დააკვირდით ბავშვის ტირილის ხასიათს და ეცადეთ გაარკვიოთ
მიზეზი.დაუყოვნებლივ აიყვანეთ ხელში, მიიკარით გულზე ,
დაამშვიდეთ, უმღერეთ . საკვები შესთავაზეთ . ნუ შეშფოთდებით 6 თვის პატარის ასეთი მოქცევით,
არ გაანებივროთ . იგი ტირილით მხოლოდ თვისი მოთხოვნილების დაკმაყოფილებას გთხოვთ .
თქვენი სწრაფი რეაქცია ბავშვს აგრძნობინებს , რომ იგი მარტო არ არის .ეს კი სამყაროსადმი
ნდობის ჩამოყალიბებაში უწყობს ხელს და განსაზღვრავს
, თუ როგორ შეხედავს ცხოვრებას მომავალში
- ნდობით თუ უნდობლობით.
ასაკის მატებასთან ერთად პატარა ხვდება , რომ მას
ყველაზე ხშირად ტირილის დროს ეფერებიან და ამ მეთოდს 6 თვის შემდეგ უკვე უფროსის ყურადღების
მისაქცევად იყენებს.
ზოგიერთი ბავშვი დღის გარკვეულ მონაკვეთში განუწყველივ
ტირის , თითქოს მუცელი აწუხებს ან შია, მისი დამშვიდება ვერაფრით ხერხდება . ასეთი
ტირილის მიზეზი ხშირად უცნობია და მას პირობითად
,,კოლიკას" ეძახიან . აუცილებლად მიმართეთ ექიმს, რათა გამორიცხოთ პათოლოგია და თუ
მხოლოდ ,,კოლიკაა“ ნუ შეშინდებით, ასეთი ბავშვები კარგად იზრდებიან და ტირილსაც ორი-სამი
თვის ასაკიდან უკლებენ .
